見工嘅時候，通常都會問你期待薪金，每個人緊係想寫越多越好啦，但又怕寫得太離地會嚇怕HR唔請你，但係寫得少自己又唔想，有邊個唔想自己人工可以節節上升。 事實上，公司每次請一個人，其實都暗裡有個budget，會唔會因為你寫少左就一定請你呢？答案係唔會。 其實HR請人最緊要係合眼緣、同埋你有無能力勝任哩份工，如果你係心水人物，傾到最後HR就會自自然然同你傾期待薪金。但如果覺得你唔適合，你就算低於市價都無用，因為分分鐘請錯人，HR都要孭鑊架。 當你去到同HR傾薪金哩一步，恭喜你！代表你都合HR心水，哩個時候，其實就係一個開底牌嘅時候，HR想知要幾錢先請到你，而你又想知HR有幾多budget，又真係好想嗌到高啲喎，（心諗多一千就係一千），咁可以試下咁做法： 唔好講實一個數，俾一個約數HR，例如大約$xxK -$xxK（當然你要做好 research 好清楚自己市價），再補一句「我相信你會根據我嘅經驗去俾一個合理薪金我嘅。」咁就等HR開俾你啦，如果好想請你而又係公司budget內，咁通常都會鬆手少少；假若真係over budget，HR就會再同你傾價錢。 如果你堅持提高自己個價，HR一來要計budget，就會從新考慮有無其他人可以代替你。所以如果你好想入哩間公司，所謂有前景即係有錢景，就唔好計較爭少少錢，入到去做左表現出黎先，先把自己做好，就係將來提高自己的籌碼。 祝大家人工都可以節節上升！

近日日本網上大熱一個被稱為「超準」的顏色心理測驗。 據說是根據1980年代發明的「靈性油彩」系統 Aura-Soma研發的心理測驗。 不少網民都大讚好準，有興趣的朋友都來看看吧。 你喜歡的顏色是以下哪個？ 首先以直覺選擇 兩種 顏色，然後閱讀兩組分析結果。*可以選擇兩次同一種顏色。 基於英國藥劑師與治療師於1980年代發明的「靈性油彩」系統 Aura-Soma（Aura代表光、soma是指身體）。 請以直覺判斷，選擇你喜歡的顏色。那便是代表你的顏色。 【答案】 你所選擇的顏色 其實就代表你自己內心的想法 (所選顏色　優點/正面評價　缺點/負面評價) [...]

而家咩都話work-life balance，HR都好鍾意用哩條問題去考人， 萬一見工時遇著HR咁問，你會點去答呢？ 如實答，我係一個好work-life balance嘅人，咁HR會諗，咁即係唔洗旨意你OT啦，咁唔上進點請你呀，我自己都要OT呀！ 但老實說，有邊個唔想work-life balance? HR自己都想啦！但有時工作迫埋身，真係唔加班都做唔掂。 但如果你話自己好鍾意做野唔介意加班，就算係真嘅，但HR都唔會信你啦。 如果遇上咁嘅問題應該點答呢？ 你要知道事業嘅道路上很漫長，一起步當然係努力衝啦，臨近退休就緊係會放慢腳步。 所以你可以答：雖然自己都好同意要work-life balance，但哩幾年係自己嘅黃金時期，都想努力打拼，所以會以做好工作為先，再從中取得生活平衡。 咁答HR就會覺得請你返黎係肯做野嘅，其實大部分HR心態唔係要請個好叻嘅員工，係要請個肯做又穩定嘅員工，佢哋先可以同老闆交代。

「人揀工」好定「工揀人」好？ 聽返唔少HR講，而家啲人搵工好得意，可能年代真係唔同左，好多人都揀工做，甚至連見工都可以no show。 所謂你揀人時人揀你，其實「人揀工」好定「工揀人」好啲呢？ 當你好想入一間大公司、或想申請較高職位時、又或者你無相關經驗但想得到某職位時，就係「工揀你」喇。唔好因爲公司唔揀你而失去信心，因為你好清楚自己對自己有要求，或是想嘗試突破自己多一點，係一份上進心嚟，所以唔成功就再接再厲，如果間公司真係請咗你，咁就要努力去學習喇。 而「人揀工」，聽落去好似好巴閉，自己有好多選擇，不過唔好因此而開心，因為間公司請你，證明你乎合佢地要求，係你將自己條線放低左。 所以如果你係上進心態，不妨處於「工揀你」嘅狀態，而如果你想尋求舒服，就係「你揀工」喇。 祝大家都可以搵到份岩心水好工啦！

搵工面試中，「離職原因」唔係最難答嘅問題，最難答應該係被問「你有甚麼缺點 /弱點？」基本上無人係完美，話自己無缺點都無人信啦，咁答更會令HR覺得你拒絕了回答問題；但照事實講出黎又怕HR唔請喎，咁究竟點答先可以令HR聽得舒服，缺點變成優點呢？ 首先不妨認真諗諗自己的優缺點，優缺點有時只是一線之差。大家可以參考以下例子，做足準備應戰： 例子一： 我知道自己有時會大意，所以我習慣凡事都會double check。 註：HR聽到哩個答案就會覺得你做野都幾小心，做事有Double check的習慣。 例子二： 我英文寫同讀都無大問題，但同人講時就覺得唔夠流利。 註：哩個例子只應用於甚少使用英語的工作，咁HR就會覺得你的缺點唔會影響工作。 例子三： 我個人做野好急，所以有時會俾到身邊嘅人壓力。 註：咁如果你應徵嘅係管理層，咁就岩晒喇，你嘅缺點同時亦係你嘅優點，請咗你公司可能更有效率。 所謂知己知彼，百戰百勝。如果求職者在招聘面試中能夠知道自己的缺點並作出改善，HR印象會加分；相反，答非所問、過度自卑或自我膨脹的求職者，相對較難獲聘。

日日坐係辦公室，好容易水腫，水腫的時候除左望落會肥左，對眼皮又會浮腫，睇落個人無咩精神，個樣特別倦。 其實，浮腫係衰老的先兆，留意一下自己，會唔會覺得以前對眼好精靈，而家對眼成日都浮浮腫腫，好似好倦咁，個樣都老左？精神嘅時候，對眼睜得特別大？因為年紀越大，新陳代謝開始減慢，所以會容易浮腫。   古藉記載，紅豆，「久服令人瘦」，就是說經常吃紅豆還有減肥效果。 紅豆，屬高蛋白質，有顯著的利水消腫、健脾胃功效，更可以補血、促進血液循環。中醫認為紅色的食物會入心，因此紅豆還被認為有養心的作用。 薏米同樣有去濕效果，但薏米屬寒涼之物，吃得太多容易頭暈，體質虛弱易倦的人士需要慎服。但紅豆性平，可以每天服用，常服更可令氣色更好。 如果能在剛出現水腫的時候喝紅豆湯來調治，第二天就可以看到水腫的減退，再連服8天左右，就可以使水腫現象完全消失。 紅豆水製作方法： 先將紅豆浸水放二小時以上，(如放在雪櫃裡可令紅豆更快焾)，再把紅豆加水煲15分鐘，加少許黑糖即可飲用。每天一兩杯紅豆水，可以快速消水腫。 如想紅豆更美味，加小塊果皮，約煲1小時可以達至"起沙"效果，再加黑糖便有美味紅豆沙吃。

相信大家個心都已經好想放假，小編都唔例外，下星期即將踏入己亥年了，放完假都希望新的一年有個新開始，開市吉日非常重要，好的開始是成功的一半。 不過很多服務行業在年初一已經要開工，所以在這裡把每天的開工吉時也列出來，好讓各行各業都很夠開工大吉，祝大家豬年諸事順利， 財源滾滾 。 （如果就唔到返工時間，在家嘆杯咖啡開開電腦也可以） 🌟較佳的開市日子🌟 首選👉🏻👉🏻年初四（2月8日） 次選👉🏻👉🏻年初七 （2月11日）